У Беларусі з'явіўся Цэнтр падтрымкі якасці экспартнай прадукцыі

Новая пляцоўка для дыялогу дзяржавы і бізнесу. У Беларусі створана Міжнародная асацыяцыя "Цэнтр падтрымкі якасці экспартнай прадукцыі". Ужо нават прайшоў першы ўстаноўчы збор у Мінску.

Цэнтр павінен стаць эфектыўнай дыялогавай пляцоўкай. Прадпрыемствы, выходзячы на новыя рынкі, часта не ведаюць усёй спецыфікі, асабліва нюансаў, што датычацца стандартызацыі і пытанняў якасці. Зараз жа на новай пляцоўцы ўся камунікацыя будзе адбывацца аператыўна і з удзелам усіх зацікаўленых бакоў.

Асацыяцыя аб'ядноўвае ўдзельнікаў з Беларусі і Расіі, у планах далучыць да яе і іншых важных гандлёвых партнёраў, уключаючы краіны ЕАЭС.