ЕС і ЗША ўзгаднілі ўвядзенне базавай пошліны 15 % на еўрапейскія тавары

Еўрасаюз і ЗША падпісалі гандлёвае пагадненне, якое толькі пагоршыць і без таго хісткае эканамічнае становішча Старога Cвету - такі вынік сустрэчы кіраўніка Еўракамісіі Урсулы фон дэр Ляен з амерыканскім лідарам Дональдам Трампам у Шатландыі.

Паводле дамоўленасцяў, з 1 жніўня будзе ўведзена базавая пошліна 15 % на еўрапейскія тавары, увазныя ў ЗША.

У сваю чаргу фон дэр Ляен заявіла, што Еўракамісія паабяцала ЗША цалкам замяніць расійскую нафту і газ амерыканскім ЗПГ і ядзерным палівам. Паводле яе словаў, краіны ЕС "усё яшчэ закупляюць занадта шмат расійскага газу і нафтапрадуктаў". Лідар парламенцкай фракцыі французскай правай партыі "Нацыянальнае аб'яднанне" Марын Ле Пен назвала гандлёвую здзелку ЕС і ЗША палітычным, эканамічным і маральным фіяска для Еўрасаюза.