15-ты фестываль "Па-за эфірам" праверыў прадстаўнікоў медыясферы на талент і спрыт

Юбілейны, 15-ты, культурна-спартыўны фестываль "Па-за эфірам" апошнія выхадныя ліпеня прайшоў у Мінскай вобласці. Ён сабраў беларускую тэлевізійную і радыясупольнасць, прыкладна 800 чалавек.

Але галоўнае, "Па-за эфірам" - гэта магчымасць для прадстаўнікоў медыясферы адцягнуцца ад цяжкасцяў прафесіі і атрымаць зарад пазітыву і крэатыву.

Толькі гэтымі днямі можна было ўбачыць прадстаўнікоў беларускай медыясупольнасці ў нязвыклым для гледачоў амплуа. У многіх ёсць такія таленты, якія па сваёй сутнасці як яшчэ адна прафесія. Але ў жыцці няма дробязяў, і ўсё адно адно дапаўняе.

Удзельнікі конкурснай праграмы ў фармаце праекта "Фактар.by" не толькі дэманстравалі гледачу свае здольнасці, але і слухалі ацэнку ад вельмі вопытнага журы, у складзе якога былі, напрыклад, настаўнік мінулага сезона "Фактар.by" Уладзімір Громаў і культурны аглядальнік "Першага інфармацыйнага" Лідзія Заблоцкая.

Вядучымі выступіў нязменны дуэт - Уладзімір Богдан і Мар'яна Муранкова. Неўзабаве перад публікай з'явіўся вядучы навін на "Першым інфармацыйным" Дзмітрый Лабейка, і менавіта ён забраў галоўны прыз гэтага вечара.