28 ліпеня 1944 года быў вызвалены Брэст ад нямецка-фашысцкіх захопнікаў

Роўна 81 год таму (28 ліпеня 1944 года) войскамі 1-га Беларускага фронту вызвалены Брэст. За час акупацыі фашысты знішчылі ў горадзе 40 тыс. мірных жыхароў і цалкам разбурылі яго эканоміку.

Вызваленне Брэста стала часткай Люблінска-Брэсцкай аперацыі. У раёне горада над Бугам гітлераўцы стварылі магутны эшаланаваны раён, насычаны ўмацаваннямі даўгачаснай фартыфікацыі. У сістэму абароны былі ўключаныяі фарты Брэсцкай крэпасці.

Нагадаем, што 8 мая 1965 года Брэсцкая крэпасць атрымала званне "Крэпасць-герой". А ў 1971 годзе стала мемарыяльным комплексам. Яго цэнтральным аб'ектам з'яўляецца манумент "Мужнасць", дзе размешчаны рэльефныя кампазіцыі, якія ўяўляюць асобныя эпізоды бясстрашнай барацьбы абаронцаў крэпасці.