Выкарыстоўваюць коптары: супрацоўнікі МНС дапамагаюць у пошуку тых, хто згубіўся ў лесе

Колькасць людзей, якія згубіліся ў лясных масівах Беларусі, толькі расце. Супрацоўнікі пошукава-выратавальных атрадаў выязджаюць на выклікі кожны дзень.

Для аказання дапамогі выкарыстоўваюць розныя сродкі і спецыяльную тэхніку. Напрыклад, коптэры з цеплавізарамі, каб як мага хутчэй ахапіць тэрыторыю масіва зверху і зафіксаваць перамяшчэнне пацярпелага. У цяжкапраходных месцах перасоўваюцца на квадрацыклах і багі, што робіць пошукі больш эфектыўнымі.

Ратавальнікі нагадваюць, што перад паходам у лес абавязкова трэба ўзяць з сабою запас пітнай вады і ежы, медыкаментаў і зараджаны мабільны тэлефон.