Фінал аграсезона-2024 пройдзе ў Гродзенскім рэгіёне

Важкі і ўраджайны фінал аграсезона-2024 у Гродзенскім рэгіёне. Гэтыя хлебаробы сёлета паказалі рэкордныя вынікі. Але важна памятаць, што ў іх аснове заўсёды штодзённая і карпатлівая праца. Сёння ў гонар аграрыяў гучаць заслужаныя словы падзякі і ўдзячнасці. "Дажынкі" прымаюць Масты. На месцы працуе наш карэспандэнт.

Галоўнае свята хлебаробаў сёння ў Мастах! На Гродзеншчыне падводзяць вынікі аграрнага года. Ён выдаўся няпростым, тым не менш хлебаробы Гродзеншчыны ўнеслі годны ўклад у агульнарэспубліканскі каравай, паклаўшы ў засекі 2 млн тон збожжа новага ўраджаю.

У цэнтры ўвагі сёння чалавек працы!

Менавіта яны - аграрыі - галоўныя героі дня! Ужо ў дзве гадзіны ў раённым цэнтры культуры заслужаныя ўзнагароды атрымаюць пераможцы абласных спаборніцтваў у сферы  АПК.

"Дажынкі" - гэта заўсёды не толькі гасцінна, але і абавязкова відовішчна! На працягу дня Масты будуць уяўляць з сябе адну адзіную вялікую святочную пляцоўку, дзе абсалютна кожны  сапраўды знойдзе захапленне па душы. Гастранамічны фестываль, праца падвор'яў Гродзеншчыны, розныя фоталакацыі і забаўна-гульнявыя пляцоўкі. Завершыць сённяшні дзень канцэрт групы "Карані" і святочны феерверк.