Беларуская мова - гэта і культура, і спадчына, і карані

Спадчына народа і першая крыніца, праз якую мы пазнаём навакольны свет. 21 лютага - Міжнародны дзень роднай мовы. Сусветная разнастайнасць - 7 тыс. - сярод якіх наша наймілагучнейшая, матчына. З гэтай нагоды ў кожнай установе краіны праходзяць святы з нашай нацыянальнай аўтэнтыкай.

Дарэчы, у Беларусі ёсць дзіцячыя садкі, школы, каледжы і ўніверсітэты, дзе беларуская мова гучыць штодзень. Асяроддзе, дзе з маленства ўзрошчваюць інтэлігенцыю і дбаюць аб захаванні нашай моўнай адметнасці - матэрыял.

Любоў з першага гуку... да беларускай мовы. Аднойчы пачуўшы роднае слова яшчэ ў Сіаньскім універсітэце Хайфэн Чжан цвёрда вырашыў не проста пазнаёміцца з нашай аутэнтыкай, а прыехаць у Мінск і далучыцца да беларускамоўнага кам'юніці пры БДУ.

Лінгвістычнай самабытнасці нашай мовы прысвяціў тэму дысертацыі. З навуковым падыходам даследуе архівы. А яшчэ пашырае ўласны нататнік трапных выразаў і мілагучных слоў.

Меладычная сустрэча гасцей у Доме ведаў у Барысаве. Больш за 30 гадоў 2-я гімназія славіцца сваёй моўнай адметнасцю. Матэматыку, фізіку, хімію, англійскую мову тут выкладаюць на беларускай.

Анатоль Забароўскі, дырэктар гімназіі № 2 Барысава:

"6 тысяч моў на зямлі. 3 тыс. знікаюць. Я думаю, што наша мова застанецца, бо яна дзяржаўная. Гэта і культура, і спадчына, і карані".

Больш за 700 вучняў атрымліваюць адукацыю і эстэтычнае выхаванне на матчынай мове. Дзеці знаёмяцца з рамёствамі продкаў і культурнай спадчынай ва ўзорных калектывах гімназіі.

Паэтычны дэвіз Навасельскага дзіцячага сада. Дашкольную адукацыю ў этнасуполцы засвойваюць на матчынай мове. Свой скарб берагуць больш за 40 гадоў.

Вікторыя Сабалеўская, загадчыца Навасельскага дзіцячага сада:

"У 2007 годзе быў створаны абласны праект "Этнасад". Наша школа таксама беларускамоўная, і нашы дзеткі падрыхтаваныя ідуць у першы клас".

Так і рыхтуюць безбар'ерны моўны шлях: ад дзіцячага садка да ўніверсітэта. Насычаюць кругагляд дзяцей народнай спадчынай - песнямі, танцамі і жартамі-гульнямі. Дрэс-код - адпаведны, з каларытам.

Роднае слова - гэта першая крынiца, праз якую мы пазнаём жыццё i навакольны свет. Ведаць i паважаць мову сваёй краiны, у якой нарадзiлiся продкi, вучаць з маленства. Так вось і гэтых няўрымслівых гарэз выхоўваюць у дзіцячым садку ў беларускамоўным асяроддзі праз аўтэнтычныя гульні і матывы.

Таццяна Глебік, музычны кіраўнік Навасельскага дзіцячага сада:

"Вы знаходзіцеся ў тэатральнай студыі "Жаронцы". Чаму мы так назвалі гэту студыю? Бо як у жорны трапляе зерне - ствараецца цуд - зерне ператвараецца ў муку, каб і ў нашых дзетак атрымаўся цуд - яны палюбілі родную мову, культуру, традыцыі".

Пры дзіцячым садку існуе бацькоўскі клуб "Вясёлка", дзе пакаленні звязвае таксама мілагучная і паэтычная. Як загадалі продкі, сем'і падтрымліваюць і ўзбагачаюць нашу культурную спадчыну.