Іванец: Набор у каледжы Беларусі сёлета практычна ў 1,5 раза перавысіў набор у ВНУ

Працягваецца прыём дакументаў ва ўстановы сярэдняй спецыяльнай адукацыі. У каледжах прапаноўваюць падрыхтоўку больш як па дзвюх сотнях спецыяльнасцяў.

Самыя запатрабаваныя - гэта інжынерыя, медыцына, педагогіка, мастацтва, IT-тэхналогіі. Першакурснікаў чакаюць 173 каледжы і 34 іншыя ўстановы сярэдняй спецыяльнай адукацыі.

Азнаёміцца з ходам працы прыёмных камісій выехаў міністр адукацыі. Так, у каледжы сучасных тэхналогій у машынабудаванні і аўтасэрвісе Андрэй Іванец адказаў на пытанні абітурыентаў і іх бацькоў. Як адзначыў міністр, набор у каледжы сёлета практычна ў паўтара раза перавышае набор у ВНУ.

Каледжы будуць прымаць дакументы на бюджэт па 1 жніўня, на платнае - па 12-е. Гэта датычыцца выпускнікоў школ. Для некаторых катэгорый тэрміны іншыя. Падрабязную інфармацыю можна знайсці на сайце Міністэрства адукацыі.