Да Новага года ў Мінску запланавана больш як 100 мерапрыемстваў

Менш як два тыдні застаецца да бою курантаў. Сталіца да святаў гатовая: да Новага года ў Мінску запланавана больш як 100 мерапрыемстваў: план размешчаны на сайце Мінгарвыканкама. Аб гэтым паведамілі на тэматычнай прэс-канферэнцыі.

Так, адной з асноўных пляцовак святочных гулянняў у Мінску стане тэрыторыя ля Палаца спорту. Тут ужо працуе кірмаш "Калядны кірмаш", дзе можна купіць навагоднюю прадукцыю. Дарэчы, на гэтай лакацыі ў ноч на 1 студзеня пройдзе святочны канцэрт.

З 24 снежня стартуе традыцыйны Форум Дзядоў Марозаў і Снягурак - ён пройдзе ў Верхнім горадзе. У гэты ж дзень у Белдзяржцырку адбудзецца навагодні паказ для дзяцей-сірот, дзяцей са шматдзетных і малазабяспечаных сямей, выхаванцаў ваенна-патрыятычных клубаў і дзяцей з абмежаванымі магчымасцямі.

Нагадаем, ужо адчынена рэзідэнцыя сталічнага Дзеда Марозу ў "Першым Нацыянальным гандлёвым доме". Сустракаць усіх ахвочых Дзед Мароз і Снягурка на галоўнай плошчы гандлёвага цэнтра будуць па 7 студзеня. На гэтай жа лакацыі з 25 па 30 снежня арганізуюць дзённыя святочныя дзіцячыя анімацыйныя праграмы і майстар-класы.