Кубракоў: Аўтамотапрабег - гэта даніна памяці тым героям, якія загінулі падчас Вялікай Айчыннай

Маштабны аўтамотапрабег МУС у гонар 80-годдзя Вялікай Перамогі сустрэлі ў легендарнай цытадэлі "Брэсцкая крэпасць".

Стартаваў патрыятычны марафон 2 дні таму ў Гомелі. Затым эстафету падхапілі Магілёў, Мінск, Віцебск, Гродна. Фінальным акордам стаў Брэст. Працягласць маршруту - больш як 3,5 тысячы км. Удзельнікі - а іх агульная колькасць перавысіла 50 тысяч - наведалі знакавыя мемарыялы, месцы баявой славы, братэрскія магілы ў самых розных рэгіёнах краіны, заязджалі і да ветэранаў.

І вось сёння спадчыннікі пераможцаў у легендарнай цытадэлі. Жывыя кветкі леглі да Вечнага агню. У памяць аб героях і хвіліна маўчання.