Навагодні Мінск поўны сюрпрызаў і падарункаў

Застаюцца лічаныя гадзіны да самай доўгачаканай ночы каляндарнага года! Гэта асаблівы час, казачны, калі сем'і збіраюцца разам за навагоднім сталом, дзеляцца радасцю і адкрываюць падарункі. А яшчэ гэта нагода падвесці вынікі: асабістыя і агульныя - на карысць нашай краіны. Не толькі ў пярэдадзень Новага года ў Мінску здараюцца важныя і казачныя адкрыцці. Новыя паркі і экалакацыі ў кожным раёне горада, басейн міжнароднага класа і стадыёны, паліклінікі і бальніцы, сучасныя вагоны і, вядома, новыя станцыі метро!

Адыходзячы год стаў годам адкрыццяў і такіх патрэбных людзям падарункаў. У навагоднюю ноч гасцей і жыхароў сталіцы чакае насычаная святочная праграма. І хоць феерверка не будзе, упэўнены, на настроі гэта не адаб'ецца. Бо ў гэты чароўны час мы разам! Яркі фінал версіі "2024" і феерычны старт Новага года (гл. у відэа).