У памяць аб героях. Уздоўж трасы М1 усталююць 30 банэраў з імёнамі герояў Савецкага Саюза

Памяць аб героях жывая і будзе жыць. Такі дэвіз у сумеснага беларуска-расійскага праекта па ўвекавечанні памяці герояў Вялікай Айчыннай вайны.

Напярэдадні 9 Мая ўздоўж аўтадарогі трасы М1 будуць ушанаваныя імёны трох дзясяткаў герояў Савецкага Саюза, выхадцаў Беларусі. Памятныя знакі ўсталююць па шляху - там, дзе нарадзіліся або жылі ў населеных пунктах беларускія героі.

Да прыкладу, першы білборд памяці адкрылі 25 красавіка ў Смалявіцкім раёне ў гонар Героя Савецкага Саюза Антона Адамавіча Аляхновіча. Ён нарадзіўся ў вёсцы Дабраводка Смалявіцкага раёна. Падчас вайны быў намеснікам камандзіра гвардзейскага авіяпалка. Удзельнік баёў пад Сталінградам, прарыву блакады Ленінграда, Курскай бітвы, прымаў удзел у вызваленні Украіны, Беларусі, Прыбалтыкі, Польшчы, Венгрыі, Чэхаславакіі (гл. у відэа).