Новыя месцы знішчэння мірнага насельніцтва Беларусі у гады вайны

Без малога 170 месцаў масавага знішчэння і пахавання мірнага насельніцтва Беларусі ў гады Вялікай Айчыннай вайны выяўлены за апошнія гады. Гэта вынік расследавання крымінальнай справы аб генацыдзе беларускага народа ў гады Вялікай Айчыннай вайны і пасляваеннага перыяду. Многія месцы сталі вядомы падчас вывучэнняў рассакрэчаных архіўных дакументаў - паказанняў сведак і катаў. Штогод на месцах расстрэлаў мірных грамадзян праходзяць раскопкі.

Валерый Талкачоў, кіраўнік следчай групы Генпракуратуры па расследаванні крымінальнай справы аб генацыдзе:

"На сённяшні дзень завершаны раскопкі на тэрыторыі Лепельскага раёна. Папярэдне выяўлена не менш 334 астанкаў, сярод якіх жанчыны і дзеці. Яны накіраваны на судова-медыцынскія даследаванні. Другі год працягваецца агляд месца здарэння ў горадзе Магілёве - Казіміраўскі лес. Выяўлены чарговыя тры ямы-магілы пахавання, дзе сотні забітых нашых мірных грамадзян".

Акрамя таго, раскопкі месцаў масавых пахаванняў праводзяцца на тэрыторыі Гродзенскай і Брэсцкай абласцей. Дзякуючы паказанням сведкаў, устаноўлена яшчэ некалькі раней невядомых месцаў знішчэння. Пошукавыя работы там запланаваны на 2026 год.