У ДТЗ на Міншчыне загінулі 2 чалавекі, яшчэ 3 пасажыры шпіталізаваныя

6 ліпеня каля гадзіны ночы на 23-м км аўтадарогі Р23 Мінск - Мікашэвічы, паводле папярэдняй інфармацыі, 33-гадовы вадзіцель BELGEE ўчыніў наезд на дзікую жывёлу (лася). Пасля чаго аўтамабіль з'ехаў у правы па ходзе руху кювет, дзе ўрэзаўся ў дрэва, паведамляе Telegram-канал "Міліцыя Міншчыны".

У выніку сутыкнення 2 пасажыры (33 і 71 года) загінулі, яшчэ 3 чалавекі шпіталізаваныя.

На месцы ДТЗ працавалі супрацоўнікі ДАІ, МНС, медыкі, следча-аператыўная група.

Вадзіцелям, асабліва ў цёмны час сутак, варта быць вельмі ўважлівымі на дарогах, дзе могуць з'явіцца дзікія жывёлы. Выбіраць хуткасць руху, якая дазволіць спыніцца пры раптоўным узнікненні перашкоды.