Першы круг чэмпіянату Беларусі па футболе завершыцца ў Барысаве 6 ліпеня

Дзяржынскі "Арсенал" і наваполацкі "Нафтан" завершаць першую частку футбольнага чэмпіянату Беларусі, паведамляе БЕЛТА.

Апошні паядынак першага круга пачнецца ў 18:30 на полі барысаўскага гарадскога стадыёна і будзе паказаны ў прамым эфіры тэлеканала "Беларусь 5". Футбалісты "Арсенала" перад сённяшняй сустрэчай выйгралі чатыры матчы запар, а "Нафтан" не перамагае ў сямі гульнях запар.

Вынікі астатніх матчаў 15-га тура: "МЛ Віцебск" - "Дынама" (Мінск) - 2:0, "Славія" (Мазыр) - "Віцебск" - 2:0, "Тарпеда-БелАЗ" (Жодзіна) - "Маладзечна" - 4:1, "Дынама" (Брэст) - "Слуцк" - 3:0, "Нёман" (Гродна) - "Іслач" (Мінскі раён) - 2:0, "Смаргонь" - "Гомель" - 3:1, БАТЭ (Барысаў) - "Мінск" - 0:2.

Становішча ў групе лідараў: "МЛ Віцебск" - 39 ачкоў, "Славія" - 31, "Тарпеда-БелАЗ" - 29, "Дынама" (Мінск) - 29, "Нёман" - 28. Спіс лепшых бамбардзіраў узначальвае форвард "Іслачы" Аляксандр Шасцюк, у актыве якога 10 забітых мячоў.