У Полацку праходзіць міжнародны праваслаўны фестываль "Радасць"

Шматлюдна на плошчы Францыска Скарыны ў Полацку. Тут праходзіць міжнародны праваслаўны фестываль "Радасць". Разгарнулася вялікая выстава-кірмаш, дзе прадэманстраваны рэдкія кнігі, абразы, сувеніры ручной працы.

Вырабы  прывезлі манастыры і храмы, а таксама рамеснікі з Беларусі, Расіі, Сербіі, Сірыі, Малдовы, Палесціны і Грэцыі. Адзін з самых папулярных гандлёвых павільёнаў са свежай выпечкай і натуральным мёдам.

Для дзяцей і дарослых майстар-класы, спектаклі лялечнага тэатра "Батлейка", музычныя паказы. Асаблівая ўвага праектам, прысвечаным Дню памяці прападобнай Ефрасінні і 900-годдзю полацкага манастыра.

Фестываль "Радасць" у старажытным Полацку прадоўжыцца да 15 чэрвеня. Арганізатары абяцаюць разнастайную праграму для ўсёй сям'і. Не прапусціце шанц цікава правесці час.

5 чэрвеня, у дзень памяці прападобнай  Ефрасінні Полацкай, у старажытным горадзе  праходзяць урачыстасці, прысвечаныя 900-годдзю Спаса-Ефрасіннеўскага манастыра.