Цікавасць да выбараў Прэзідэнта Беларусі адзначаецца ва ўсім свеце

Тое, што яўка на датэрміновае галасаванне з кожным днём набірае тэмп, пры гэтым усё праходзіць спакойна і без парушэнняў, пацвярджаюць і назіральнікі. Як раз пра гэта гаварылі ў Інфацэнтры ЦВК, які сёння пачаў сваю працу на базе Палаца Рэспублікі. Так што зараз самая аператыўная і што галоўнае - аб'ектыўная інфармацыя становіцца яшчэ больш даступнай для грамадскасці і СМІ.

Вялікабрытанія, Катар, Кітай, ЗША, Іспанія, Францыя - парадак дня электаральнай кампаніі Беларусі гэтымі днямі будзе гучаць на ўсіх кантынентах свету. Трэба сказаць, каб гэта інфармацыя была аб'ектыўнай і своечасовай, эксперты і назіральнікі гатовыя ўсе 4 дні ў Інфацэнтры ЦВК трымаць слова і распавядаць пра рэальную карціну на выбарчых участках (відэа).