Землетрасенне на Камчатцы выклікала паніку ў Паўднёвай Амерыцы

На Камчатцы працягваюцца паўторныя штуршкі, іх налічылі ўжо каля 60. Афтэршокі робяцца ўсё слабейшымі, але іх магнітуда даволі высокая: ад 6 да 5 з паловай.

Хваля, выкліканая камчацкім землетрасеннем, дабралася да Перу і Чылі. У абедзвюх краінах набліжэнне цунамі выклікала масавую паніку: жыхары ўзбярэжных раёнаў эвакуіраваліся ўглыб мацерыка на чым прыйдзецца: на машынах, веласіпедах, самакатах і нават пяшком.

Страхі апынуліся пустымі: у Паўднёвую Амерыку прыйшла хваля, якая не дасягнула і паўметра. Нагадаем, землетрасенне на Камчатцы здарылася напярэдадні раніцай: яго моц дасягала магнітуды - 8,8. Разбурэнні былі нязначныя, абышлося без ахвяр, медыцынская дапамога запатрабавалася чацвярым пацярпелым.