Беларусь з пляцоўкі ААН заклікала да перазагрузкі ў сферы правоў чалавека

Сапраўдным крызісам дэмакратыі з'яўляецца сама Еўропа, якая парушае ўсе базавыя чалавечыя каштоўнасці. Кіраўнік беларускага МЗС абазначыў пазіцыю Мінска ў Жэневе на сегменце высокага ўзроўню 58-й сесіі Савета ААН па правах чалавека.

Максім Рыжанкоў заклікаў звярнуць увагу на тое, як "свабодны свет" хутка мяняе свае прававыя прыярытэты, каб дагадзіць палітычнай кан'юнктуры.

Максім Рыжанкоў, міністр замежных спраў Беларусі:

"Свабодная Еўропа закрывае ў сябе беларускія і расійскія СМІ. Закрыла практычна ўсе. Але хіба наша, як кажуць, прапаганда з некалькіх каналаў можа нанесці шкоду маштабнай заходняй інфармацыйнай ідэалагічнай машыне? Ды кіньце! Нават гэтае права грамадзян атрымліваць доступ да невялікага альтэрнатыўнага меркавання сёння знішчана".

Кіраўнік беларускага МЗС адзначыў: правы чалавека - гэта платформа для дыялогу і супрацоўніцтва, а не канфрантацыі. Беларусь з пляцоўкі ААН заклікала да глабальнай перазагрузкі ў сферы правоў чалавека.