Наталля Качанава сустрэлася з паслом Узбекістана. Што абмеркавалі на сустрэчы?

Мінск і Ташкент маюць намер павялічыць тавараабарот да 1 млрд долараў і ўзмацніць міжпарламенцкае ўзаемадзеянне. Пра гэта гаварылі 17 сакавіка ў Савеце Рэспублікі.

Старшыня Савета Рэспублікі Наталля Качанава правяла сустрэчу з Надзвычайным і Паўнамоцным Паслом Рэспублікі Узбекістан у Рэспубліцы Беларусь Рахматулам Назаравым. Спікер адзначыла, што ў абедзвюх краінах праводзіцца палітыка незалежнасці, адстойвання інтарэсаў сваіх народаў і захавання традыцый. Добрыя адносіны дзвюх краін шмат у чым грунтуюцца на дружалюбных кантактах іх лідараў. У жніўні Віцебск прыме ўжо III Беларуска-ўзбекскі жаночы бізнес-форум, што паспрыяе ўмацаванню партнёрства паміж краінамі.

Бакі акрэслілі далейшае развіццё супрацоўніцтва ў эканоміцы, культуры, навуцы, адукацыі і турызме. Важным для Беларусі з'яўляецца і ўзаемадзеянне па лініі парламентарыяў. Будзе створана міжпарламенцкая камісія высокага ўзроўню па супрацоўніцтве паміж верхнімі палатамі Беларусі і Узбекістана.