Прэзідэнт Зімбабвэ наведаў мемарыяльны комплекс "Брэсцкая крэпасць-герой"

У Беларусі з рабочым візітам знаходзіцца прэзідэнт Зімбабвэ Эмерсан Мнангагва.

12 мая ён прыбыў у Брэст. Дэлегацыя наведала мемарыяльны комплекс "Брэсцкая крэпасць-герой". Лідар афрыканскай дзяржавы ў знак павагі і сяброўства пакінуў запіс у кнізе ганаровых наведвальнікаў, а таксама Эмерсан Мнангагва ўсклаў кветкі да Вечнага агню і ўшанаваў памяць абаронцаў і ахвяр Вялікай Айчыннай вайны хвілінай маўчання.

"Для мяне вялікі гонар і прывілея сёння наведаць гэтую мясціну асабіста. Гэта сапраўды гісторыя, ваша гістарычная спадчына, і яна тут - перад намі. Гэтае жывое пацвярджэнне адвагі вашага народа. Зімбабвэ з'яўляецца краінай, якая развіваецца. Мы высока цэнім, калі развітыя краіны працягваюць нам руку сяброўства і дапамогі, і максімальна супрацоўнічаем з імі. Акрамя гэтага, асабіста я і Прэзідэнт Беларусі Аляксандр Лукашэнка з'яўляемся блізкімі сябрамі, таму я тут сёння. Акрамя таго, Беларусь - вельмі прыгожая краіна, хто б не хацеў сюды прыехаць і я не выключэнне", - адзначыў Эмерсан Мнангагва.

У Брэсце Эмерсан Мнангагва таксама наведаў адзін з найбуйнейшых малочных заводаў у краіне - "Савушкаў прадукт" - і высока ацаніў беларускія тэхналогіі перапрацоўкі малака.