Рэспубліка Сербская мае намер наладзіць пабрацімскія сувязі з гарадамі Беларусі

Рэспубліка Сербская зацікаўлена ў наладжванні пабрацімскіх сувязяў з гарадамі Беларусі, а таксама ў развіцці супрацоўніцтва па лініі медыцыны, фармакалогіі і ў адукацыйнай сферы. Пра гэта старшыня Вечэ народаў Срэбрэнка Голіч заявіла на сустрэчы са спікерам Палаты прадстаўнікоў Нацыянальнага сходу Беларусі Ігарам Сергеенкам.

Ігар Сергеенка ў сваю чаргу падкрэсліў, што ў Беларусі заўсёды рады гасцям, асабліва тым, каго па праве лічым сваімі сябрамі. Кірунак нашай знешняй палітыкі - прынцып роўнасці дзяржаў і непарушнасці меж.

У замежнай дэлегацыі ў нашай краіне запланавана насычаная праграма: наведванне славутасцей, прамысловых, адукацыйных і сацыяльных аб'ектаў. Беларусы пакажуць, чым па праве ганарацца, якія праекты могуць папоўніць скарбонку агульных інтарэсаў для супрацоўніцтва.