У Беларусі пачата работа над Праграмай сацыяльна-эканамічнага развіцця да 2030 года

У Беларусі пачалася работа над Праграмай сацыяльна-эканамічнага развіцця да 2030 года. Яна павінна быць прынцыпова новай - гэта даручэнне Прэзідэнта.

Дакумент будзе будавацца на асноўных палажэннях Нацыянальнай стратэгіі ўстойлівага развіцця да 2030. Галоўны акцэнт застанецца нязменным - якасць жыцця і дабрабыт насельніцтва. Новыя падыходы абмяркоўвалі сёння на пасяджэнні калегіі Міністэрства эканомікі. Гаварылі і аб развіцці бізнесу. Мэта на гэты год - падрыхтаваць нарматыўна-прававы акт для спрашчэння работы з прадпрымальніцкім асяроддзем. Важна таксама прыцягваць інвестыцыі ў рэгіёны за кошт стварэння новых сучасных вытворчасцяў.

Беларуская эканоміка паказвае ўстойлівае развіццё. Год пачалі з росту. За студзень ВУП дадаў 3,7 %.