У Мінску абмеркавалі ўмацаванне патэнцыялу АДКБ з акцэнтам на праблемы бяспекі

Далейшае ўмацаванне патэнцыялу АДКБ абмеркавалі 30 кастрычніка Генеральны сакратар Арганізацыі Імангалі Тасмагамбетаў і кіраўнік МЗС Беларусі Максім Рыжанкоў.

Імангалі Тасмагамбетаў прыбыў у сталіцу Беларусі для ўдзелу у II Мінскай міжнароднай канферэнцыі па еўразійскай бяспецы. Падчас размовы адбыўся абмен меркаваннямі па шырокім коле пытанняў міжнароднага парадку дня з акцэнтам на праблемы рэгіянальнай і глабальнай бяспекі.

Максім Рыжанкоў падзякаваў Генеральнаму сакратару АДКБ за падтрымку Мінскай канферэнцыі, а таксама за яго ініцыятыву па правядзенні ў яе рамках тэматычнага круглага стала. Гэта мерапрыемства будзе прысвечана аналітычнаму суправаджэнню дзейнасці АДКБ па гарантаванні рэгіянальнай бяспекі. Як адзначыў Максім Рыжанкоў, круглы стол цалкам упісваецца ў тэматыку Мінскай канферэнцыі і з'яўляецца важным дапаўненнем да асноўнага парадку дня міжнароднага форуму.