Уладзімір Каранік стаў віцэ-прэм'ерам, які курыруе сацыяльны блок

Прэзідэнт Беларусі Аляксандр Лукашэнка прызначыў Уладзіміра Караніка намеснікам прэм'ер-міністра, які будзе курыраваць сацыяльную сферу, паведамляе БЕЛТА.

"Перш за ўсё хачу падзякаваць Вам, што Вы пагадзіліся ўзначаліць гэты няпросты блок. Дзякую Вам за тое, што мне не прыйшлося прымаць валявое рашэнне. Вы пагадзіліся з маёй прапановай. Бо я ведаю, што такое быць губернатарам лепшай у краіне вобласці, самастойным чалавекам. А тут і Прэзідэнт пастаянна побач, можаш "па галаве нечакана атрымаць", яшчэ нешта. Я ведаю, што такое быць губернатарам, і што такое быць віцэ-прэм'ерам. Але я зыходзіў з таго, што ўсё-такі віцэ-прэм'ераў функцыянал будзе значна ўзняты. Вось Ваш напрамак - дзейнічайце, - сказаў Аляксандр Лукашэнка. - Мне імпануе тое, што Вы заўсёды адкрыта скажаце сваё меркаванне, не толькі ва ўрадзе, але і ў Прэзідэнта. Вы - чалавек спраўны. Калі рашэнне прынята, Вы будзеце жалезабетонна выконваць гэтае рашэнне".