19-гадовы вадзіцель загінуў, урэзаўшыся ў мачту на МКАД

2 жніўня на Мінскай кальцавой аўтадарозе адбылася аварыя: вадзіцель загінуў, пасажыра шпіталізавалі, піша БЕЛТА са спасылкай на УДАІ ГУУС Мінгарвыканкама.

Паводле папярэдняй інфармацыі, каля 11:20 19-гадовы вадзіцель аўтамабіля Seat, рухаючыся ў раёне 4-га км знешняга кальца МКАД, не справіўся з кіраваннем, вылецеў за межы праезнай часткі, дзе ўчыніў наезд на асвятляльную мачту.

Ад атрыманых цялесных пашкоджанняў вадзіцель памёр на месцы здарэння, а 21-гадовы пасажыр дастаўлены ва ўстанову аховы здароўя для абследавання.

На месцы інцыдэнту працавалі супрацоўнікі аддзела ДАІ Партызанскага РУУС Мінска, МНС і следча-аператыўная група.

Дзяржаўтаінспекцыя заклікае ўсіх удзельнікаў дарожнага руху быць вельмі ўважлівымі на дарозе і нагадвае аб неабходнасці няўхільна выконваць ПДР.