Двух пенсіянераў, якія згубіліся, знайшлі мёртвымі ў лясах пад Докшыцамі і Маладзечнам

У Докшыцкім і Маладзечанскім раёнах ратавальнікі шукалі ў лесе двух пенсіянераў, якія згубіліся. Аб гэтым паведамляе БЕЛТА са спасылкай на прэс-службу МНС.

2 жніўня працягваліся пошукі пенсіянера 1944 года нараджэння, які згубіўся 29 ліпеня ў лясным масіве каля вёскі Пустаселле Докшыцкага раёна Віцебскай вобласці.  Усяго для пошукавых работ былі задзейнічаны 44 адзінкі тэхнікі і 158 чалавек, з іх - 28 адзінак тэхнікі і 67 работнікаў МНС. У 11:00 2 жніўня вайскоўцамі мужчына выяўлены без прыкмет жыцця.

У гэты ж дзень у 11:15 паступіла паведамленне, што згубіўся на дзень раней у лясным масіве каля вёсак Мацукоўшчына Маладзечанскага раёна Мінскай вобласці мужчына 1949 года нараджэння. Для пошукавых работ былі задзейнічаны 6 адзінак тэхнікі і 16 чалавек, з іх 5 адзінак тэхнікі і 11 работнікаў МНС. У 12:00 работнікамі МНС мужчына выяўлены без прыкмет жыцця.