На беларуска-польскай мяжы затрымалі мужчыну з двума БПЛА

На памежжы з Польшчай затрыманы парушальнік паветранай прасторы.

Беларус у адным з садовых таварыстваў спрабаваў запусціць адразу два беспілотнікі. Убачыўшы вайскоўцаў, ён хацеў схавацца ў лесе, але не атрымалася. Акрамя лятальных апаратаў, у затрыманага былі 16 акумулятараў да іх і ноўтбук. Парушальнік дастаўлены ў ізалятар часовага ўтрымання Гродзенскай памежнай групы. У дачыненні яго пачаты адміністрацыйны працэс. Магчымы штраф за парушэнне паветранай прасторы складае да 2 тыс. беларускіх рублёў.