Пад Валожынам маршрутка з'ехала ў кювет - 8 чалавек шпіталізаваныя

Пад Валожынам перакулілася маршрутка. Восем чалавек пацярпелі.

16 снежня каля 9:00 на 27-м кіламетры аўтадарогі Пяршаі - Нясвіж 66-гадовы вадзіцель маршрутнага таксі не справіўся з кіраваннем і з'ехаў у кювет. Мікрааўтобус перакуліўся. Восем чалавек з рознымі траўмамі дастаўлены ў бальніцу.

Паводле інфармацыі МУС, на задняй восі маршруткі былі ўсталяваныя шыны са зносам пратэктара больш, чым дапускаецца.