Пажар успыхнуў на складзе Мінскага інструментальнага завода

Пажар успыхнуў на складзе Мінскага інструментальнага завода. Пра гэта паведамляе БЕЛТА са спасылкай на МНС.

Інцыдэнт у складскім памяшканні на тэрыторыі ЗАТ "Мінскі інструментальны завод" у беларускай сталіцы адбыўся раніцай 1 снежня. Ратавальнікам паведамілі аб пажары ў 9 гадзін 2 хвіліны, пасля чаго да месца здарэння былі аператыўна накіраваны падраздзяленні МНС. Як высветлілася, у арандаваным складскім памяшканні адбылося ўзгаранне маёмасці на плошчы 20 кв. м, а менавіта гарэлі акумулятары, пластыкавыя вырабы і электрычны пагрузчык.

Да прыбыцця агняборцаў будынак самастойна пакінулі двое мужчын 1979 і 1983 года нараджэння. Яны былі шпіталізаваныя, медыкі канстатавалі ў іх тэрмічныя апёкі і атручэнне прадуктамі гарэння.

Пажар ліквідаваны ратавальнікамі ў 9 гадзін 21 хвіліну. Агонь пашкодзіў маёмасць на плошчы 30 кв. м, электрычны пагрузчык, закурадымлена складское памяшканне. Спецыялісты высвятляюць прычыну здарэння.