У Віцебску экіпаж ДАІ з пробліскавымі маячкамі суправадзіў жанчыну ў радзільню

"Мы раджаем, дапамажыце даехаць да радзільні!" - з такой нестандартнай просьбай звярнулася ў ДАІ будучая мама. Рэакцыя дарожнай міліцыі была імгненнай з улікам таго, што ў жанчыны ўжо пачаліся схваткі.

Экіпаж ДПС уключыў пробліскавыя маячкі і суправадзіў парадзіху ў бальніцу. Праз 40 хвілін на свет з'явіўся яшчэ адзін беларус!

У выпадку няштатнай сітуацыі тэлефануйце па нумары 102

Супрацоўнікі ДПС хаця і з'яўляюцца дарожнай службай міліцыі, заўсёды гатовы прыйсці на дапамогу нават там, дзе не зусім іх спецыфіка работы. А тым больш у такія адказныя моманты для будучых бацькоў.