У Віцебску затрыманы нарказакладчык

У Віцебску затрыманы падазроны ў распаўсюджванні наркотыкаў - гэта 36-гадовы жыхар Гарадка. Аб гэтым сёння паведамілі ў МУС.

Паводле звестак ведамства, фігурант прыехаў у абласны цэнтр па заданні куратара. Яго з доказамі злачынсвта ўзялі аператыўнікі наркакантролю пры сілавой падтрымцы байцоў АМАП.

Падчас вобыску пры сабе і ў затрыманага дома канфіскавана аптовая партыя небяспечнага псіхатропу, вядомага як 4-СМС - усяго больш за 200 грамаў. Таксама ў мужчыны знайшлі ўпаковачны матэрыял і вагі для фасоўкі наркотыку.

Тэрмін фігуранту пагражае сур'ёзны - да 15 гадоў зняволення. Крымінальная справа ўзбуджана паводле артыкула за незаконнае абарачэнне наркотыкаў з мэтай збыту.