Жыхар Баранавіч спрабаваў вывезці з Беларусі 19 т металалому

Буйную партыю металу спрабаваў вывезці з краіны жыхар Баранавіч.

Грузавік, які, мяркуючы па ўсім, ехаў з Брэсцкай вобласці, аператыўнікі спынілі ў Барысаўскім раёне. Пры аглядзе ў прычэпе міліцыянеры выявілі амаль 19 т металалому.

49-гадовы вадзіцель фуры дакументы на гэты груз паказаць не змог. Толькі растлумачыў, што планаваў перавезці лом для рэалізацыі ў Расію.

Такога роду "прадпрымальніцкая" дзейнасць нярэдка сустракаецца сярод беларусаў. Справа ў тым, што здаваць металалом у Расіі выгадней. Але практычна ўсе спробы незаконнага вывазу перапыняюць беларускія праваахоўнікі.