Якія мерапрыемствы ў Беларусі рыхтуюць да Дня народнага адзінства

Асноўныя ўрачыстасці з нагоды Дня народнага адзінства 17 верасня разгорнуцца ў Мінску. Цэнтрам свята стане "Мінск-Арэна" - менавіта тут дадуць старт "Марафону адзінства", які ў найбліжэйшыя месяцы пройдзе ва ўсіх абласных і буйных раённых гарадах.

У Гомелі маштабныя святкаванні пачнуцца ўжо сёння з урачыстага сходу і канцэрта. У Гродне напярэдадні свята запусцілі відэачэлендж у Instagram. Усе ахвотнікі могуць зняць і размясціць у сацсетцы міні-ролік, дзе яны прамаўляюць тры запаветныя словы: "Беларусь - гэта мы!".

У Брэсце 16 верасня стартуе абласны патрыятычны праект "Марафон мужнасці", які фінішуе ў Кобрыне ў дзень свята. 40 самых актыўных прадстаўнікоў рабочай моладзі праедуць па дзевяці раёнах, каб добраўпарадкаваць воінскія пахаванні, правесці адкрытыя дыялогі і дыскусійныя пляцоўкі. У Магілёве стартуе выстава "Адзінства! Развіццё! Якасць!", на якой прадпрыемствы вобласці прадэманструюць сваю прадукцыю, распавядуць пра навінкі і дасягненні.

16 верасня ва ўсіх ВНУ пройдзе рэспубліканская дыктоўка "Дзень народнага адзінства".