Карпенка пра Калас: Я не лічу яе легітымным кіраўніком дыпламатыі ЕС

Старшыня Цэнтральнай выбарчай камісіі Ігар Карпенка на прэс-канферэнцыі ў Інфармацыйным цэнтры ЦВК пракаментаваў заяву кіраўніка еўрадыпламатыі Каі Калас аб выбарах у Беларусі

Старшыня Цэнтральнай выбарчай камісіі Ігар Карпенка на прэс-канферэнцыі ў Інфармацыйным цэнтры ЦВК пракаментаваў заяву кіраўніка еўрадыпламатыі Каі Калас аб выбарах у Беларусі, піша БЕЛТА.

"А я не лічу, што яна легітымны кіраўнік дыпламатыі Еўрасаюза. Гэта дэмакратычна. Яна так лічыць, а я лічу, што яна нелегітымны кіраўнік дыпламатыі Еўрасаюза. Нас не запрашалі на яе абранне, мы не назіралі, не бачылі, не ведаем наогул, як гэта працэдура праходзіла. Напішыце, што мы не прызнаём яе легітымнай", - адказаў Ігар Карпенка на адпаведнае пытанне журналіста.