У Беларусі стартуе Тыдзень бацькоўскай любові

У Беларусі стартуе Тыдзень бацькоўскай любові. Ён прымеркаваны да Дня маці і Дня бацькі.

Адной з самых прыкметных акцый стане запуск сацыяльнай рэкламы на тэлеканалах, білбордах і ў грамадскім транспарце. А для маладой аўдыторыі запусцяць крэатыўны марафон сямейных ролікаў у TikTok пад назвай "Усё пачынаецца з сям'і". Удзельнікам прапануюць паказаць, як сям'я дапамагае ў кар'еры і асабістым росце.

Цэнтральным мерапрыемствам стане форум "Размова пра важнае: шчаслівая сям'я - моцная дзяржава" пры ўдзеле Савета Рэспублікі.