Мезенцаў: У Саюзнай дзяржаве выканана 78 праграм на больш як 60 млрд расійскіх рублёў

У Саюзнай дзяржаве выканана 78 праграм на больш як 60 млрд расійскіх рублёў. І вельмі важна, каб гэтыя вынікі былі ўпісаны ў агульную інтэграцыйную канву, а грошы былі выдаткаваны разумна, на карысць нацыянальных эканомік.

Такую заяву зрабіў дзяржсакратар Саюзнай дзяржавы Дзмітрый Мезенцаў на нарадзе ў Нацыянальнай акадэміі навук.

Сёння там разгледзелі ход рэалізацыі 18 праграм і 7 мерапрыемстваў Саюзнай дзяржавы. Большасць з іх звязана са сферамі абароны, бяспекі, праваахоўнай дзейнасці, абаронна-прамысловага і ваенна-тэхнічнага супрацоўніцтва, сацыяльнай палітыкі і эканомікі.

Таксама Дзмітрый Мезенцаў адзначыў, што бюджэт Саюзнай дзяржавы ў 2024 годзе выкананы на 99,7 %.

Акрамя таго, акадэміі навук Беларусі і Расіі ўзялі на сябе функцыі экспертызы навуковых прапаноў, якія пасля могуць стаць новымі саюзнымі праектамі і праграмамі. Будуць прадоўжаны даследаванні ў сферы лічбавізацыі эканомікі і штучнага інтэлекту.