МЗС заявіў пра грубае ўмяшанне ў суверэнныя справы Беларусі

"Па ініцыятыве групы ангажаваных дэпутатаў сёння плануюцца дэбаты па праекце рэзалюцыі Еўрапарламента ў дачыненні да выбараў у Рэспубліцы Беларусь. Ужо на гэтай стадыі відавочна, што праект з'яўляецца грубым умяшаннем у электаральныя працэсы суверэннай дзяржавы, не мае нічога агульнага з рэальным станам спраў і закліканы аказаць націск на свабоднае волевыяўленне беларускіх грамадзян", - сказаў Анатоль Глаз.

Беларускі бок не раз заўважаў, што ўсе антыбеларускія дзеянні рыхтуюцца загадзя і незалежна ад рэальнага стану спраў у краіне.

"У распараджэнні МЗС аказалася заява Еўрапейскай службы знешніх дзеянняў, якую яна плануе зрабіць па выніках нашых выбараў на аснове ў тым ліку названай яшчэ не прынятай рэзалюцыі Еўрапейскага парламента. Выбары ў Беларусі толькі пачаліся, а там усё ўжо асуджана і не прызнана", - адзначыў прадстаўнік МЗС.