Сергеенка: За 30 гадоў Беларусь не толькі захавала свой патэнцыял, але і ўмацавала яго

За 30 гадоў Беларусь не толькі захавала свой патэнцыял, але і ўмацавала яго. На гэтым акцэнтаваў увагу старшыня Палаты прадстаўнікоў Нацыянальнага сходу Беларусі Ігар Сергеенка падчас інфармацыйнай сустрэчы з жыхарамі Пастаў.

У зале больш чым 500 чалавек. Падчас размовы абмеркавалі дасягненні суверэннай Беларусі, сацыяльна-палітычную сітуацыю, а таксама дзейнасць парламента. Наша краіна лідзіруе ў галіне сельскагаспадарчай вытворчасці, актыўна ўкараняе інавацыйныя падыходы ў прамысловасць. Як было адзначана, развіццё эканомікі дазваляе падтрымліваць сацыяльную сферу, накіроўваць сродкі на ахову здароўя, адукацыю, развіваць культуру. Клопат пра кожнага - асноватворны прынцып сацыяльна арыентаванай дзяржавы.

Ігар Сергеенка, старшыня Палаты прадстаўнікоў Нацыянальнага сходу Беларусі:

"З гэтых сустрэч выносіш тое, што цікавіць людзей. Гэта зваротная сувязь. Людзей цікавяць пэўныя факты, асабліва ў параўнанні што было і што стала. Я бачу гэта па аўдыторыі, што гэтыя факты ўспрымаюцца. Тое, што створана ў Рэспубліцы Беларусь, - трэба захаваць, зберагчы і ні ў якім разе нельга страціць".

Увагу надалі і Году добраўпарадкавання. Людзі зацікаўлены ў развіцці гарадоў і вёсак. І тут важна іх імкненне зрабіць свае рэгіёны яшчэ больш камфортнымі для жыцця.