У ЦВК пракаменціравалі заяву Калас: як можна ацэньваць выбары, не бачачы, як яны праходзяць?

На прэс-канферэнцыі ў інфармацыйным цэнтры ЦВК сакратар Цэнтральнай выбарчай камісіі Алена Балдоўская пракаменціравала заяву кіраўніка еўрадыпламатыі Каі Калас аб выбарах у Беларусі, піша БЕЛТА.

Раней Кая Калас выказвалася аб выбарах Прэзідэнта Беларусі, назваўшы іх фіктыўнымі.

"У нас на тэрыторыі краіны працуе практычна 500 замежных і міжнародных назіральнікаў. Гэта не толькі прастора СНД, гэта і еўрапейскія назіральнікі, якія прысутнічаюць у краіне, у тым ліку не адзін дзень", - сказала Алена Балдоўская.

Сакратар ЦВК адзначыла, што назіральнікі былі на ўчастках і ў перыяд датэрміновага галасавання, і ў асноўны дзень. "Яны наведваюць участкі, ніхто не абмяжоўвае іх перамяшчэнне, даюць сваю ацэнку і выказваюць уражанне, якое складваецца пры наведванні ўчасткаў", - падкрэсліла яна.

Каменціруючы заяву Каі Калас, Алена Балдоўская канстатавала: "Я не разумею, як можна даваць ацэнку выбарам, не бачачы, як яны праходзяць, як гэта рэгулюецца заканадаўствам, не разумеючы, якая праведзена падрыхтоўчая работа, як працуюць участковыя камісіі, якая кампетэнцыя людзей, што арганізоўваюць выбары. Таму я не ведаю, што тут можна каменціраваць".