Лукашэнка: Ахвотнікі развязаць вайну ў Беларусі баяцца нашага адзінства

Ахвотнікаў развязаць вайну ў Беларусі хапае, але яны баяцца адзінства беларускага народа. Гэта Прэзідэнт Беларусі Аляксандр Лукашэнка заявіў на ўрачыстай цырымоніі ўшаноўвання аграрыяў падчас абласнога фестывалю-кірмашу "Дажынкі-2024" у Клімавічах, паведамляе БЕЛТА.

"Паўтараю: лепш на зямлі працаваць, чым потым карачыцца. Будзе эканоміка - вайны ніколі не будзе. Не будзе эканомікі - самі спародзім гэтую вайну, грамадзянскую развяжам. А ахвотнікаў хапае: яны за мяжой ходзяць, бразгаюць зброяй. Але баяцца, таму што адзіныя мы як ніколі, таму што мы жыць хочам на сваёй зямлі. Яны гэтага баяцца перш за ўсё, а не таму што бацька там з дубінай ходзіць. Яны баяцца нашага адзінства і таго, што мы хочам працаваць. Страцім гэтае пачуццё - паглядзіце, што будзе. Не дай бог гэтага дапусціць", - перасцярог Аляксандр Лукашэнка.