У Беларусі стартуе Тыдзень мабільнасці

16 верасня ў Беларусі стартуе Тыдзень мабільнасці. Галоўная ідэя экалагічнай кампаніі - менш машын, больш руху: пешшу, на веласіпедзе, самакаце або грамадскім транспарце.

На працягу сямі дзён па ўсёй краіне будуць праходзіць розныя акцыі: велапрабегі, экскурсіі, выставы, паказальныя выступленні, майстар-класы.

У апошні дзень акцыі - 22 верасня - у Мінску пройдзе традыцыйны Дзень без аўтамабіля. Для вадзіцеляў прадугледжаны бонус: бясплатны праезд у грамадскім транспарце пры прад'яўленні вадзіцельскага пасведчання і пасведчання аб рэгістрацыі аўто.