Лукашэнка павіншаваў хрысціян Беларусі, якія святкуюць Нараджэнне Хрыстовае 25 снежня

Прэзідэнт Беларусі Аляксандр Лукашэнка павіншаваў хрысціян Беларусі, якія святкуюць Нараджэнне Хрыстовае 25 снежня. Пра гэта паведамляе БЕЛТА са спасылкай на прэс-службу кіраўніка дзяржавы.

"Гэтае свята ўсяляе ў нашы душы веру ў сілу любові і чалавечнасці. Добрымі справамі і ўчынкамі, нястомным клопатам аб блізкіх мы папаўняем свае духоўныя сілы і далучаемся да вечных ісцін", - гаворыцца ў віншаванні.

Аляксандр Лукашэнка адзначыў, што ў такія дні па-асабліваму ўспрымаецца значнасць міру і згоды, шчырасці і паразумення. "Упэўнены, што шанаванне хрысціянскіх каштоўнасцей будзе і надалей садзейнічаць умацаванню адзінства на беларускай зямлі", - падкрэсліў Прэзідэнт.