Лукашэнка: У Смаленску разумеюць, што мы павінны быць разам і дапамагаць адзін аднаму

Прэзідэнт Беларусі Аляксандр Лукашэнка падчас сустрэчы з губернатарам Смаленскай вобласці Расійскай Федэрацыі Васілём Анохіным заявіў, што супрацоўніцтва Беларусі і Расіі нават больш цеснае, чым калі б краіны ўваходзілі ў адну дзяржаву. Пра гэта піша БЕЛТА.

"Гэта ўжо пяты візіт губернатара (Смаленскай вобласці  - заўв. БЕЛТА) у нашу Беларусь. Гэта гаворыць пра тое, што і ў Смаленску разумеюць - мы павінны быць разам, развівацца, дапамагаць адзін аднаму, асабліва ў гэтыя няпростыя часы. І з любымі выклікамі, праблемамі мы справімся, калі будзем разам", - адзначыў беларускі лідар.

"Расія наперакос на нас не глядзіць. Гадасцяў ніякіх нам не робіць. Наадварот, падтрымлівае ў самыя цяжкія і складаныя часы. Натуральна, і мы адпаведна да гэтага падыходзім і ставімся, - сказаў Аляксандр Лукашэнка. - Ёсць дзве дзяржавы, ёсць агульная Айчына. Расіяне не пярэчаць супраць гэтага. Яна ад Брэста да Уладзівастока. Гэта наша Айчына. Гэтым усё сказана. Але так здарылася, не па нашай віне, - у нас дзве дзяржавы: Беларусь і Расія. Я ні разу не чуў ад Прэзідэнта Расіі, каб ён сказаў: "Слухай, заўтра трэба жыць абавязкова ў адной дзяржаве!" Ніколі такога не было. У гэтым няма ніякай неабходнасці".

"Але наша супрацоўніцтва - Беларусі з Расіяй - больш цеснае, чым калі б мы жылі ў адной дзяржаве, паказваючы пальцам адзін на аднаго. Нам і трэба, каб мы былі адзіныя і каб нас ніхто рознага роду абяцаннямі і іншым не змог расцягнуць у розныя бакі, як гэта было пасля распаду Савецкага Саюза", - заявіў беларускі лідар.

Аляксандр Лукашэнка таксама падкрэсліў, што эканоміка з'яўляецца базісам і фундаментам адносін.

Фота: РIА Навiны