Лукашэнка ажыццявіць афіцыйны візіт у Расію, перамовы з Пуціным адбудуцца 13 сакавіка

Прэзідэнт Беларусі Аляксандр Лукашэнка ажыццявіць афіцыйны візіт у Расійскую Федэрацыю. Аб гэтым паведамляе БЕЛТА.

Перамовы з Прэзідэнтам Расійскай Федэрацыі Уладзімірам Пуціным пройдуць 13 сакавіка ў Крамлі. Кіраўнікі дзяржаў у фармаце "адзін на адзін", а затым у пашыраным складзе з удзелам членаў дэлегацый абмяркуюць развіццё супрацоўніцтва Беларусі і Расіі, перспектыўныя кірункі ўзаемадзеяння. У цэнтры ўвагі таксама сумесная праца ў інтэграцыйных фарматах. Лідары краін абмяняюцца меркаваннямі па пытаннях бягучай міжнароднай сітуацыі.

Чакаецца, што па выніках перамоў будзе падпісаны пакет дакументаў.

У праграме візіту таксама  шэраг іншых мерапрыемстваў, прадугледжаных яго афіцыйным статусам.