Прэзідэнт Беларусі прыехаў на Сусветны саміт па барацьбе са змяненнем клімату ў Баку

Прэзідэнт Беларусі Аляксандр Лукашэнка прыбыў у Баку на Сусветны саміт па барацьбе са змяненнем клімату, паведаміла БЕЛТА.

Кіраўніка беларускай дзяржавы на ўваходзе віталі Прэзідэнт Азербайджана Ільхам Аліеў і Генеральны сакратар ААН Антоніу Гутэрыш. Мерапрыемства праводзіцца пад эгідай Арганізацыі Аб'яднаных Нацый. У глабальным форуме ўдзел возьмуць дзясяткі тысяч дэлегатаў, у тым ліку многія кіраўнікі дзяржаў і ўрадаў.

Аляксандр Лукашэнка ў сваім выступленні абазначыць нацыянальную пазіцыю Беларусі па пытаннях парадку дня, звязаных са змяненнем клімату і мерамі, якія міжнародная супольнасць павінна  прыняць для вырашэння выклікаў, што ўзнікаюць у гэтай сферы.

Таксама на палях саміту Прэзідэнт Беларусі правядзе шэраг сустрэч і перамоў з замежнымі калегамі.

Канферэнцыя ААН па пытаннях змянення клімату, або Кліматычны саміт, праходзіць штогод з 1995 года і збірае краіны - удзельніцы Рамачнай канвенцыі ААН аб змяненні клімату. Папярэдні саміт праходзіў у канцы мінулага года ў Дубаі (ААЭ) пры ўдзеле прадстаўнічых дэлегацый з больш чым 150 краін.

Фота: БЕЛТА