Рэгіянальныя канфлікты і адносіны - што яшчэ абмяркоўвалі лідары краін-удзельніц на саміце СНД

СНД павінна быць саюзам моцных, эканамічна самадастатковых суверэнных дзяржаў. Гэту заяву Прэзідэнт Беларусі 8 кастрычніка зрабіў на саміце Садружнасці ў Маскве.

Лідары аб'яднання змаглі абмяняцца меркаваннямі па надзённых пытаннях. Гаварылі не толькі пра рэгіянальныя адносіны, але і пра рэгіянальныя канфлікты. Сёння кіраўнікі дзяржаў таксама прынялі Зварот у сувязі з 80-годдзем Перамогі савецкага народа ў Вялікай Айчыннай вайне. У ім заклік не дапускаць адраджэння фашызму.

Аляксандр Лукашэнка, адказваючы на пытанні журналістаў, пракаменціраваў змену ядзернай дактрыны Расіі, заклікі некаторых "гарачых галоў" ва Украіне аб неабходнасці ваеннага ўварвання ў Беларусь, а таксама праліў святло на нефармальную частку сустрэчы.

Нефармальныя зносіны лідараў у СНД здараюцца нават часцей, чым афіцыёз. Але раз на год палітычны клуб постсавецкай прасторы бывае ў зборы. Афіцыйна да абеду ў Крамлёўскі палац пад'ехалі кіраўнікі дзяржаў.

Прэса сустракала лідараў у першую чаргу з прафесійнай цікавасцю, бо эксклюзіўны каментарый часам можа зрабіць увесь рэпартаж (відэа).