Аншлагаў і новых творчых поспехаў. Лукашэнка павіншаваў калектыў ТЮГа з 70-годдзем установы

Прэзідэнт Беларусі Аляксандр Лукашэнка павіншаваў калектыў Беларускага дзяржаўнага акадэмічнага тэатра юнага гледача з 70-годдзем са дня заснавання ўстановы. Аб гэтым паведамляе БЕЛТА са спасылкай на прэс-службу беларускага лідара.

Прэзідэнт Беларусі Аляксандр Лукашэнка павіншаваў калектыў Беларускага дзяржаўнага акадэмічнага тэатра юнага гледача з 70-годдзем з дня заснавання ўстановы.

"На працягу сваёй гісторыі тэатр уносіць значны ўклад у фарміраванне светапогляду дзяцей і юнацтва, любові да культуры і роднай зямлі, - гаворыцца ў віншаванні. - Ваш калектыў знаходзіцца ў нястомным пошуку, здзіўляе мастацкімі адкрыццямі і дорыць паклоннікам шмат цікавых прэм'ер".

Кіраўнік дзяржавы ўпэўнены, што калектыў тэатра прадоўжыць добрыя тэатральныя традыцыі, будзе і ў далейшым працаваць плённа і самааддана на карысць Беларусі.

Прэзідэнт пажадаў работнікам тэатра моцнага здароўя, аншлагаў і новых творчых поспехаў.