Дзіця загінула пры выбуху боепрыпасу ў Брэсцкім раёне

У Брэсцкім раёне пры выбуху боепрыпасу загінула дзіця, паведамляе БЕЛТА са спасылкай на Следчы камітэт.

Вечарам 4 красавіка ў аграгарадку Страдзеч на дваровай тэрыторыі адбыўся выбух невядомага боепрыпасу. У зоне паражэння апынуліся мужчына і яго ўнукі 14 і 15 гадоў. Ад атрыманых траўм адзін з падлеткаў памёр. Пенсіянеру і другому дзіцяці экстранна аказваецца медыцынская дапамога.

Работу следча-аператыўнай групы каардынуе начальнік УСК па Брэсцкай вобласці Віктар Леган. Падчас агляду следчыя знайшлі корпус боепрыпасу ў двары дома ў грудзе металалому. Канфіскаваны рэчыўныя доказы, дапытаны сведкі.

Па гэтым факце ўзбуджана крымінальная справа па ч. 2 арт. 295 Крымінальнага кодэкса - незаконныя дзеянні ў дачыненні да выбуховых рэчываў. Следства вызначае паходжанне снарада і ўсе акалічнасці трагедыі.