МНС: больш як 100 чалавек эвакуіравалі з дзіцячага сада ў Магілёве з-за ўзгарання

Больш  як 100 чалавек эвакуіравалі з дзіцячага сада ў Магілёве з-за ўзгарання. Пра гэта паведамляе БЕЛТА са спасылкай на МНС.

20 сакавіка ў 13:11 ратавальнікам паступіла паведамленне аб узгаранні ў памяшканні кухні ў дзіцячым садзе на вул. 30 гадоў Перамогі ў Магілёве. Работнікі дашкольнай установы  і ратавальнікі эвакуіравалі 76 дзяцей і 25 дарослых. Ніхто не пацярпеў.

Узгаранне ліквідавана. Прычынай паслужыла кароткае замыканне электрычнай пліты.